گزشتہ سال حضرت شاہ عبدالعزیز محدث دہلوی کی سب سے مفصل سوانح مقالات طریقت پر تحقیق و تعلیق کا آغاز کیا تو اس کے مقدمہ اور تعلیقات کے لیے کچھ مواد جمع کیا ، کام کی تکمیل کے بعد جب اس کا جائزہ لیا تو یہ فیصلہ کیا کہ اتنے نادر مقالات محققین کو بآسانی دستیاب نہیں ہوسکیں گے، لہذا انہیں اگر یکجا کر دیا جائے تو اہل علم کے لیے افادہ عام کی صورت پیدا ہو جائے گی ۔
آغاز میں حضرت شاہ عبدالعزیز محدث کے مختصر حالات ، تصانیف تلامذہ ، مریدین اور دیگر صحبت یافتگان کی ایک فہرست بطور ابتدائیہ مرتب کر دی ہے جو مقالات طریقت پر مقدمہ کے طور پر بھی شامل ہے۔